"கடந்து வந்த பாதை" இதை நான் எழுதியது 2013 துவக்க காலத்தில். அப்பொழுது எனக்கு திருப்பூரில் உள்ள "மரியாலயா" செல்லும் வாய்ப்பு கிடைத்தது.
ஆதரவற்ற குழந்தைகள், கைம்பெண்கள், கணவனை இழந்து பிள்ளைகளால் ஒதுக்கப்பட்டவர்களுக்கான இல்லம்தான் மரியாலயா.
என் கண்களின் ஈரம்
அவர் நெஞ்சினில் இல்லை
தாமரை இலையின் நீராய்
என் உறவுகளில் நான்
பகுத்தறிந்து படித்தறிந்த மக்கள்,
என் மனதறியவில்லை
உயிர்மாய்க்க துணிவில்லை,
கருவில் கைநீட்டும் என் செல்லத்தினால்...
மாரடித்து வீதி வந்தேன்
ஊரெங்கும் என் கண்ணீர் கோலம்
கரம் நீட்டிய நல்லுள்ளங்கள்
காட்டிய திசைதான்
மரியின் ஆலயமான "மரியாலயா"
இன்று,
தோள்கொடுத்து,
அரவணைத்து,
ஆதரவாய் நிற்பது,
நான் பெறாத என் பிள்ளைகளே!....
-லிடி
No comments:
Post a Comment